1 എന്‍റെ മാഷ്‌ parameswaran
ഹരിക്കുട്ടനെ മുമ്പേ അറിയും.ഉച്ചക്ക് സ്റ്റാഫ്‌ റൂമിന്‍റെ മുമ്പില്‍ ടാപ്പിനടുത്ത് അവനുണ്ടാവും .പുറത്തേക്ക് ,റോഡിലേക്ക് നോക്കി .സഹപ്രവര്‍ത്തകര്‍ പറയും :"നല്ല വികൃതി യാണ് .ഇന്നലെ വിലാസിനിയുടെ കൈത്തണ്ടയില്‍ ഒരു കടി .നല്ല അടി കൊടുക്കണം ."
അക്കൊല്ലം എനിക്ക് ക്ലാസ് ചാര്‍ജ് മാറിക്കിട്ടി .അവനവിടെ എന്‍റെ ക്ലാസ്സില്‍ .
പിന്നെ യാണ് അറിഞ്ഞത് :വികൃതിയല്ല .തല ച്ചോറിനുഎന്തോ പ്രശ്നം .മരുന്ന് കഴിക്കുന്നുണ്ട്
കുട്ടികള്‍ക്കവനോട് സഹതാപമുണ്ട് ,സഹിക്കാനും സഹായിക്കനുമവര്‍ തയ്യാറുമാണ് .എന്നും ഉണ്ടാവും ഒരടിപിടി .മറ്റുള്ളവരെ അപേക്ഷിച്ചു വലിയ കുട്ടിയായത് കൊണ്ട് എന്തും സംഭവിക്കാം
ഇന്റര്‍വെല്ലിനു അവനെ സ്റ്റാഫ്‌ റൂമിലേക്ക്‌ വിളിച്ചു :ചിലര്‍ക്ക് അതത്ര പിടിച്ചില്ല .
ഇവനെന്താ ഇവിടെ?ചൂടുള്ള രണ്ടു വര്‍ത്തമാനം പറയാന്‍ നേരത്ത് ....."
ഞാന്‍ ഒരു മിട്ടായി കൊടുത്തു.അവനതിഷ്ടമായി.
പിന്നെക്ലാസ്സില്‍ ചെല്ലുമ്പോള്‍ എന്നെ കെട്ടിപ്പിടിക്കും ."ഇന്‍റെ മാഷാണ് ."
No comments:
Post a Comment